ဟနွိုင်း၊ ဩဂုတ်-၂၅-၂၀၂၅
ရတီ(VOM)
ဗီယက်နမ်နိုင်ငံမှာ တိုင်ဖွန်းမုန်တိုင်း ကဂျိကိကြောင့် လူ ခြောက်သိန်းနီးပါးကို ဘေးလွတ်ရာရွှေ့ပြောင်းကြဖို့ အာဏာပိုင်တွေက ညွှန်ကြားလိုက်ပါတယ်။
မုန်တိုင်းရဲ့ လက်ရှိလေတိုက်နှုန်းမှာ တနာရီ ၁၆၆ ကီလိုမီတာ ရှိပြီး တနင်္လာနေ့ အရုဏ်တက်ချိန်မှာ ကုန်းတွင်းပိုင်းဝင်ရောက်ချိန်မှာ ပိုမိုအားကောင်းလာနိုင်ကြောင်း မိုးလေဝသ တာဝန်ရှိသူတွေက သတိပေးထားပါတယ်။
ဗီယက်နမ်အလယ်ပိုင်း Thanh Hoa ၊ Quang Tri ၊ Hue နဲ့ Da Nang ဒေသတွေမှ နေထိုင်သူတွေကို နေအနိမ်တွေကနေ ဘေးလွတ်ရာ တိမ်းရှောင်ဖို့ ညွှန်ကြားထားပြီး လေယာဉ်ခရီးစဉ်တွေကို ဖျက်သိမ်းထားကာ ပင်လယ်ပြင်က သင်္ဘောနဲ့ စက်လှေတွေ ကမ်းကပ်ကြဖို့ ထုတ်ပြန်ထားပါတယ်။
တိုင်ဖွန်းမုန်တိုင်ဒဟာ တရုတ်နိုင်ငံဟိုင်နန်ကို ဖြတ်ကျော်ချိန်မှာ မိုးရေချိန် ၃၂၀မီလီမီတာအထိ ရွာသွန်းနိုင်ကြောင်း တရုတ်မိုးလေဝသ အေဂျင်စီက ခန့်မှန်းထားပါတယ်။မုန်တိုင်းဟာ ဗီယက်နမ်ကုန်းတွင်းပိုင်းကို ရွေ့လျားဝင်ရောက်လာချိန်မှာ အားပျော့သွားဖွယ်ရှိပေမယ့် လေတိုက်နှုန်း တနာရီလျှင် ၂၀၀ ကီလိုမီတာနဲ့ မိုးရေချိန် ၃၀၀-၄၀၀မီလီမီတာ အထိ ရွာသွန်းနိုင်တယ်လို့ ဆိုပါတယ်။
မုန်တိုင်းကြောင့် လှိုင်းအမြင့် ၂-၄မီတာ အထိ မြင့်တက်လာနိုင်ကြောင်း ခန့်မှန်းထားပါတယ်။ မုန်တိုင်းနဲ့ပတ်သက်ပြီး ကူညီဖို့ ဗီယက်နမ် တပ်ဖွဲ့ဝင်တွေကိုလည်း ဖြန့်ကြက်ထားတယ်လို့ တာဝန်ရှိသူတွေ့ ပြောပါတယ်။
ဗီယက်နမ် လေကြောင်းလိုင်းဟာ တနင်္ဂနွေနေ့နဲ့ တနင်္လာနေ့တို့မှာ နိုင်ငံအလယ်ပိုင်းမြို့တွေကို ပြေးဆွဲမယ့် လေယာဉ်ခရီးစဉ် ၂၂ ခုထက်မနည်းကို ဖျက်သိမ်းလိုက်ပါတယ်။
ယခင်နှစ် စက်တင်ဘာလက ဗီယက်နမ်မှာ လူပေါင်း ၃၀၀ အပါအဝင် ဒေသတွင်းမှာလည်း လူရာချီသေဆုံးခဲ့တဲ့ သေလောက်အောင် ရာဂီမုန်တိုင်းလို ထိခိုက်ပျက်စီးမှု ကျယ်ကျယ်ပြန့်ပြန့် ဖြစ်ပေါ်လာမှာကို အာဏာပိုင်တွေက စိုးရိမ်နေကြပါတယ်။
Ref:BBC
